BACKGROUND

​​​ទោះបី​​​​​​ ​​ការពិត​​ដេប៉ាតឺម៉ង់​​​ប្រវត្តិវិទ្យា​​​ ​​​ ត្រូវ​​​បាន​​​បង្កើត​​​ឡើង​​​តាំង​​​ពី​​​ឆ្នាំ​​​១៩៨០​​​ នៅ​​​ពេលដែល​​​ សាកល​​​វិទ្យាល័យ​​​ ភូមិន្ទ​​​ភ្នំពេញ​​​នៅ​​​មាន​​​ឈ្មោះ​​​ថា​​​ ​​​ សាលា​​​គរុវិជ្ជា​​​ជាន់​​​ខ្ពស់​​​​​​នៅ​​​ឡើយ​​​ក្តី​​​  ​​​តែ​​​​​​ដេប៉ាតឺម៉ង់​​​នេះ​​​ បាន ​​​អប់រំ​​​និស្សិត​​​​​​​​​ត្រឹម​​​តែ​​​ថ្នាក់​​​បរិញ្ញាបត្រ​​​សិល្បៈ​​​ផ្នែក​​​ប្រវត្តិវិទ្យា​​​ប៉ុណ្ណោះ​​​។  ​ឆ្លើយ​​​តប​​​នឹង​​​តម្រូវ​​​ការ​​​​​​អ្នក​​​ប្រវត្តិសាស្ត្រ​​​​​​​របស់ ​​​ជាតិ​​​កាន់​​​តែ​​​ច្រើន​​​ឡើង ​​​យ៉ាង​​​ហោច​​​ត្រឹម​​​ថ្នាក់​​​បរិញ្ញាបត្រ​​​ជាន់​​​ខ្ពស់​​​  ​​​ទើប​​​ដេប៉ាតឺម៉ង់​​​ប្រវត្តិវិទ្យា​​​ មាន​​​ផែនការ​​​ តំឡើង​​​កម្មវិធី​​​សិក្សា​​​ ​​​និង​​​អប់រំ​​​  ​​​ដើម្បី​​​ផលិត​​​​​​អ្នក​​​ប្រវត្តិសាស្ត្រ​​​ថ្នាក់​​​ក្រោយ​​​បរិញ្ញាបត្រ​​​​​​ ដែល​​​ប្រកប​​​ដោយ​​​គុណភាព ​​​ខ្ពស់​​​។

         ជា​​​ការ​​​ពិត​​​ ​​​ប្រវត្តិវិទ្យា​​​ ​​​ ជា​​​ការ​​​សិក្សា​​​អំពី​​​ព្រឹត្តិការណ៍​​​អតីតកាល  ​​​ពត៌មាន​​​  ​​​និង​​​បទពិសោធន៍​​​របស់​​​មនុស្ស​​​ ​​​ដោយ​​​ពឹង​​​ផ្អែក​​​​​​លើ​​​ប្រភព​​​ឯកសារ​​​សំណេរ​​​ ​​​និង​​​ឯកសារ​​​សំឡេង​ និង​រូបភាព​​​បន្ថែម​​​ផ្សេង​​​ទៀត​​​ ​​​ សម្រាប់​​​​​​ ប្រវត្តិ​​​​​សាស្ត្រ​​​សហសម័យ​​​​​​  ​​​ដែល​​​ពឹង​​​លើ​​​ការ​​និទាន​​​ផ្ទាល់​​​មាត់​​​ពី​​​ការ​​​​ចងចាំ​​​របស់​​​មនុស្ស ​​​ដែល​​​ធ្លាប់​​​មាន​​​បទ ពិសោធន៍។​​​  ​​​វា​​​មាន​​​សារៈ​​​សំខាន់​​​ណាស់​​​សម្រាប់​​​សង្គម​​​​​​ ​​​និង​​​ប្រទេស​​​ ​​​ពីព្រោះ​​​វា​​​បង្ហាញ​​​ពី​​​អត្ត​​​សញ្ញាណជាតិ ​​​គម្រូ​​​ បទ​​​ពិសោធន៍​​​​​​​​​ល្អ​-​​អាក្រក់​​​ពី​​​​​​អតីតកាល ​​​និង​​​ការ​​​បង្កើត​គំនិត​​​សុភវិនិច្ឆ័យ​​​ ​​​នៅ​​​ក្នុង​​​ពិភព​​​មនុស្ស​​​លោក​​​នេះ​។ ​​​អ្នក​​​ប្រវត្តិ​​​ សាស្ត្រ​​​ ​​​ដែល​​​បាន​​​ទទួល​​​ការ​​​បណ្តុះបណ្តាល​​​បាន​​​ល្អ ​​​អាច​​​ស្រាវជ្រាវ​​​​​​ពី​​​អតីតកាល​​​របស់​​​ជាតិ​​​ ​​​និង​​​បង្កើត​​​ចំណេះដឹង​​​  ​​​ដែល​​​អាច​​​ប្រាប់​​​​​​ព័ត៌មាន​​​អំពី​​​លក្ខណៈ​​​ពិសេស​​​គ្មាន​​​ពីរ​​​នៃ​​​អត្តសញ្ញាណ​​​ជាតិ​​​​​​របស់​​​ប្រជាពលរដ្ឋ​​​​​​​​ខ្មែរ​​​បាន​​​។ ​​​ដូច​​​គ្នា​​​នេះ​ ​​ដែរ​​​ ​​​ តាម​​​រយៈ​​​កា​​រ​សិក្សា​​​អំពី​​​បទ​​​ពិសោធន៍​​​អតីតកាល​​​ ​​​គ្រូ​​​បង្រៀន​​​ និស្សិត​​​ ​​​និង​​​ប្រជា​​​ពលរដ្ឋ​​​ ​​​អាច​​​ពិចារណា​​​ អំពី​​​ ជម្រើស​​​ បាន​​​កាន់​​​តែ​​​ប្រសើរ​​​សម្រាប់​​​ពេល​​​បច្ចុប្បន្ន​​​  ​​​និង​​​សម្រាប់​​​កំណត់​​​គោលដៅ​​​អនាគត​​​។​​​

         ប៉ុន្តែ​​​ការ​​​ស្រាវជ្រាវ​​​ប្រកប​​​ដោយ​​​ជំនាញ​​​ ​​​ដើម្បី​​​បង្កើត​​​ចំណេះដឹង​​​ ​​​ គឺ​​​មាន​​​លក្ខណៈ​​​ ឈាន​​​ឆ្ងាយ​​​ហួស​​​ ពី​​​សមត្ថភាព​​​ត្រឹម​​​និស្សិត​​​ថ្នាក់​​​បរិញ្ញាបត្រ។ ​​​នេះ​​​ជា​​​តួនាទី​​​នៃ​​​ការ​​​អប់រំ​​​ថ្នាក់​​​ក្រោយ​​​ឧត្តម​​​។​​​ ​​​ ដូច្នោះ​​​ហើយ​​​ ​​​ទើប​​​​​​ចំនួន​​​ និស្សិត​​​ដែល​​​បាន​​​ក្លាយ​​​ជា​​​អ្នក​​​ប្រវត្តិ​​​សាស្ត្រ​​​ជាតិ​​​  ​​នៅ​​​មាន​​​​​បរិមាណ​​​​​​​តិច​​​​​​ ដោយ​​​សារ​​​តែ​​​ពួក​​​គេ​​​មិន​​​មាន​​​លទ្ធភាព ​​​បង់ថ្លៃ​​​សិក្សា​​​ដ៏​​​ខ្ពស់​​​នៅ​​​បរទេស​​​។​​

ដោយសារ​​​គ្រូឧទ្ទេស​​​ភាគច្រើន​​​នៃ​​​ដេប៉ាតឺម៉ង់​​​ប្រវត្តិវិទ្យា​​​​​​ ​​​ គ្មាន​​​សញ្ញាបត្រថ្នាក់​​​ក្រោយ​​​ឧត្តម​​​សិក្សា ​​​ខាង​​​ ផ្នែក​​​ប្រវត្តិវិទ្យា ​​​ទើប​​​កម្មវិធី​​​នេះ​​​មាន​​​ក្តី​​​បំណង​​​អភិវឌ្ឍន៍​​​សមត្ថភាព​​​​​​បុគ្គលិក​​​ដេប៉ាតឺម៉ង់​​​​​​ប្រវត្តិវិទ្យា​​​ ​​​ដើម្បី​​​ស្រាវជ្រាវ ​​​ប្រវត្តិ​​​សាស្ត្រ​​  និង​​​បន្ថែម​​​ទៅ​​​លើ​​​ចំណេះដឹង​​​ជាតិ​​​។  ​​​ក្នុង​​​ពេល​​​ជាមួយ​​​គ្នា​​​  ដែល​​​​​​ពួក​​​គេ​​​កំពុង​​​សិក្សា​​​កម្រិត​​​ កាន់​​​តែ​​​ ខ្ពស់​​​ជាង​​​នេះ​​​ ​​​បុគ្គលិក​​​ទាំង​​​នេះ ​​អាច​​​ពង្រឹង​​​​​​គុណវុឌ្ឍិ​​នៃ​​​ការ​​​បង្រៀន​​​និស្សិត​​​កម្រិត​​​បរិញ្ញាបត្រ​​​  ​​​ដើម្បី​​​បង្កើន​​​​​​ចំណេះ ​​​​​​ដឹង​​​​ប្រវត្តិសាស្ត្រ​​​របស់​​​ពួក​​​គេ​​​ផង​​​ដែរ​​​។ ​​​កម្ម​​​វិធី​​​នេះ ​​​មិន​​កម្រិត​​​សម្រាប់​​​តែ​​​បុគ្គលិក​​​​​​របស់​​​​ ដេប៉ាតឺម៉ង់​​​ប្រវត្តិវិទ្យា​​​​​​ ប៉ុណ្ណោះ ​​​ទេ​​​  ​​​តែ​​​យើង​​​បើក​ឱ​កាស​​​ចូល​​​រួម​​​សិក្សា​​​សម្រាប់​​​បញ្ញវន្ត​​​ទូទៅ​​​  ​​​ដែល​​​កំពុង​​​ធ្វើ​​​ការ​​​នៅ​​​តាម​​​អង្គការ​​​ក្រៅ​​​រដ្ឋាភិបាល ​​​ស្ថាប័នរដ្ឋ ​​​គ្រូ​​​បង្រៀន​​​នៅ​​​តាម​​​វិទ្យាល័យ​​​នានា​​​ ​​​ និង​​​អ្នក​​​មាន​​​បរិញ្ញាបត្រ​​​ប្រវត្តិវិទ្យា​​​ទាំង​​​ឡាយ​​​ ​​​ព្រម​​​ទាំង​​​អ្នក​​​ណា ​​​ដែល​​​មាន​​​សញ្ញាបត្រ​​​បរិញ្ញា​​​ខាង​​​សង្គមសាស្ត្រ​​​ ​ និង​​​​​មនុស្សសាស្ត្រ​​​។  ​​​ហេតុ​​​ដូច្នេះ​​​ ​​​កម្មវិធី​​​នេះ​​​  អាច​ទាញ​​​យក​​​​​ ​ប្រយោជន៍​​​​បាន​​​​​ដោយ​​​ប្រភេទ​​​​​​បញ្ញវន្ត​​​ទាំង​​​ឡាយ​​​ដូច​​​បាន​​​រៀបរាប់​​​​​​ខាង​​​លើ​​​ ​​​លើស​​​ពី​និស្សិត​​​កម្រិត​ បរិញ្ញា​​​បត្រ​​​​​ និង​​​សាស្ត្រាចារ្យ​​​នៃ​​​ដេប៉ាតឺម៉ង់​​​ប្រវត្តិវិទ្យា​​​ទៅ​​​ទៀត​​​។

Vision

កម្មវិធី​​​ថ្នាក់​​​បរិញ្ញាបត្រ​​​ជាន់​​​ខ្ពស់​​​ប្រវត្តិវិទ្យា​​​មាន​​​ចក្ខុវិស័យ​​​ស្រដៀង​​​​​​គ្នា​​​នឹង​​​ចក្ខុវិស័យ​​​នៃ​​​សាកល​​​វិទ្យាល័យ​​​ភូមិន្ទ​​​ភ្នំពេញ​​​ទាំង​​​មូល​​​ដែរ​​​ ​​​គឺ​​​​​​​​ប្តេជ្ញា​​​ផ្តល់​​​នូវ​​​ការ​​​អប់រំ​​​​​​ដល់​​​អ្នក​​​ប្រវត្តិវិទ្យា​​​ប្រកប​​​ដោយ​​​គុណភាព​​ នៅ​​​ថ្នាក់​​​បរិញ្ញា​បត្រ​​​ជាន់​​​ ខ្ពស់​​​​របស់​​​ខ្លួន​​​​ គឺ​​​ជា​​​​​​​​​គុណភាព​​​​​ក្នុង​​​ន័យ​​​អាច​​​ឲ្យ​​​និស្សិត​​​ក្រោយ​​​​​​ឧត្តម​​​សិក្សា​​​នេះ​​​ចូល​​​រួម​​​ចំណែក​​​បញ្ចេញ​​​ឯកទេស​​​ភាព​ ​​របស់​​​ខ្លួន​​​ក្នុង​​​ការ​​​បង្កើត​​​ស្នាដៃ​​​សំណេរ​​​ប្រវត្តិសាស្ត្រ​​​​​​ដោយ​​​ប្រជាជន​​​កម្ពុជា​​​ក្នុង​​​សម័យ​​​បច្ចុប្បន្ន​​​បាន​​​ដោយ​​​ខ្លួន​​​ឯង​​​។

Mission

កម្មវិធី​​​ថ្នាក់​​​បរិញ្ញា​​​បត្រ​​​ជាន់​​​ខ្ពស់​​​ផ្នែក​​​ប្រវត្តិវិទ្យា​​​នេះ​​​ ​​​បាន​​​កំណត់​​​បេសកកម្ម​​​របស់​​​ខ្លួន​​​ដូច​​​ខាង​​​ក្រោម​​​នេះ​​​៖

·  បណ្តុះ​​​បណ្តាល​​​និស្សិត​​​ថ្នាក់​​​ក្រោយ​​​ឧត្តម​​​សិក្សា​​​ ​​​និង​​​​សាស្ត្រាចារ្យ​​​​របស់​​​ដេប៉ាតឺម៉ង់ ​​​​ដែល​​​​ស្វែង​​​រក​​​ការ​​​សិក្សា​​​បង្កើន​ ​​កម្រិត​​​​​នៃ​​​ការ​​​ចេះ​​​ដឹង​​​ទូទៅ​​​ឲ្យ​​​បាន​​​​​​ខ្ពស់​​​ជាង​​​មុន​​​ ​ដូច្នោះ​​​ហើយ​​​ ​​​សាស្រ្តាចារ្យ​​​ដេប៉ាតឺម៉ង់​​​ប្រវត្ត​​​វិទ្យា​​​ទាំង​​​អស់​ ​​​នឹង​​​មាន​ចំណេះ ​ដឹង​​​ ​​​ព្រម​​​ទាំង​​​ជំនាញ​​​ចាំបាច់​​​ ​​​ដើម្បី​​​បង្កើន​​​គុណ​​​វុឌ្ឍិ​​​នៃ​​​ការ​​​បង្រៀន​​​ ​​ឲ្យ​​​បាន​​​ដល់​​​កម្រិត​​​បទដ្ឋាន​​​គម្រូ​​​បែប​​​វិទ្យាសាស្ត្រ​។

· ផ្តល់​​​នូវ​​​មូលដ្ឋាន​​​ចំណេះ​​​ដឹងប្រវត្តិសាស្ត្រ​​​ដ៏​​​ទូលំ​​​ទូលាយ​​​ ​​​តាម​​​រយៈ​​​ការ​​​ក្រេប​​​ជញ្ជក់​​​ទ្រឹស្តី​​​ ​​​និង​​​​​​សកម្ម​​​ភាព​​​ស្រាវជ្រាវ​​​ ​​​និង​​​​ ​ការ​​​ ប្រើប្រាស់​​​វិធីសាស្ត្រ​​​បែប​​​ប្រព័ន្ធ ​​​វិភាគ​​​ ​​​និង​​​ត្រិះរិះ​​​ពិចារណា ​​​ក្នុង​​​ការ​​​រៀន​​​សូត្រ​​​​​​។

·  ​​​​​​​ពង្រឹង​​​លទ្ធភាព​​​យល់ដឹង​​​ជាន់ខ្ពស់​​​ ​​ចំពោះ​​​ទ្រឹស្តី​​​ពាក់​​​ព័ន្ធ ​​​កំណត់ត្រា​​​ប្រវត្តិសាស្ត្រ ​​​និង​​​​ ​ភស្តុតាង​ ​​ទាំង​​​ឡាយ​ ​​​ត្រូវ​ ​​​ប្រៀបធៀប​​​​គ្នា ​​ការ​​​​វិភាគ ​​​ការ​​​បកស្រាយ ​​​ការ​​​សន្និដ្ឋាន​​​ ​​​និង​​​ការ​​​ឈ្វេង​​​យល់​​​ប្រវត្តិ​​​សាស្ត្រ​កម្ពុជា ​​​ជាមួយ​​​ប្រវត្តិ​​​សាស្ត្រ​​​តំបន់ ​​​និង​​​ ​ព្រឹត្តិការណ៍​​​អន្តរជាតិ​​​នៅ​​​ចំពោះ​​​មុខ​​​ផ្សេងៗ​​​ពី​​​គ្នា​​​។

· ​​​​​លើក​​​កម្ពស់​​​បរិស្ថាន​​​សិក្សា​​​ជាន់​​​ខ្ពស់​​​ឲ្យ​​​ទូលំទូលាយ​​​មួយ​​​ ដែល​​​និស្សិត​​​ប្រវត្តិវិទ្យា​​​​​​អាច​​​ឆ្លើយ​​​តប​​​​​​ ចំពោះ​​​ការ​​​ប្រឈម​​​មុខ ​​​​ទាំងឡាយ​​​បណ្តាល​​​ពី​​​ការ​​​លេច​​​ឡើង​​​ថ្មី​​​នៃ​​​ការ​​​បកស្រាយ​​​ប្រវត្តិ​​​សាស្ត្រ​​​ ​​​និង​​​បើក​​​ទូលាយ​​​ជើងមេឃ​​​ទំនាក់​​​ទំនង​​​របស់​​​ពួកគេ​​​ ​​​ដោយ​​​រួម​​​បញ្ចូល​​​នូវ​​​​​​មូលបញ្ហា​​​ប្រវត្តិសាស្ត្រ​​​ ​​​និង​​​ទស្សនទាន​​​​​​ទាំងឡាយ​​​ក្នុង​​​តំបន់​​​ ​​​និង​​​ពិភព​​​លោក។​​​ 

Eligible Applicant

​អ្នក​​​​​ចូល​​​​​​រួម​​​សិក្សា​​ទាំងអស់​​​​ត្រូវមានបរិញ្ញាបត្រប្រវត្តិវិទ្យា។ ចំពោះ​​​អ្នក​​​ ​​​ដែល មានបរិញ្ញាបត្រ​​​ខុសពី ​​​ប្រវត្តិវិទ្យា ​​​ត្រូវសិក្សា​​​វគ្គ​​​​ត្រៀម​​​​ចំនួន៩​​​ក្រេឌីត​ជាមុនសិន​​​ ទើប​​​អាច​​​ប្រឡង​​​ចូល​​​សិក្សាបាន។ វិញ្ញាសា​​​សម្រាប់​​​ ​ប្រឡង ​​​​ចូល​​​សិក្សា​​​មាន​​​ពីរមុខ​​​ជំនាញ​​​ ​​​គឺប្រវត្តិសាស្ត្រខ្មែរ និង​​​អាស៊ី​​​អាគ្នេយ៍ និង​​​ភាសាអង់គ្លេស។

Application Process

អ្នកមាន​បំណង​សិក្សាក្នុង​កម្មវិធី​បណ្តុះបណ្ដាល​នេះ​ ត្រូវ​​​បំពេញ​​សំណុំ​ឯកសារ​​តម្រូវ​ការ​ដូច​ខាង​ក្រោម​ ​ដើម្បី​​​ដាក់​ពាក្យ​សុំ​ប្រឡង​ចូល​រៀន​​។

- ពាក្យសុំប្រឡងចូលរៀនចំនួន ០១ច្បាប់

- សញ្ញាបត្របរិញ្ញាបត្រប្រវត្តិសាស្ត្រ ឬបរិញ្ញាបត្រខាង​សង្គម​សាស្ត្រ និងមនុស្សសាស្ត្រ ថតចម្លង​ ដែល មានបញ្ជាក់ពីអាជ្ញាធរមូលដ្ឋានចំនួន ០១ច្បាប់

- ចំពោះសញ្ញាបត្រពីបរទេសត្រូវមានបញ្ជាក់ពីកម្រិតសមមូលពីគណៈកម្មការទទួលស្គាល់

  គុណភាពអប់រំកម្ពុជា (ACC) ចំនួន ០១ច្បាប់

- ប្រវត្តិរូបសង្ខេបមានបិទរូបថតថ្មី (៤X៦) និងពាក្យសុំប្រឡងចំនួន ០១ច្បាប់

- រូបថតថ្មី ថតចំពីមុខគ្មានពាក់វ៉ែនតា (៤X៦) ០៣សន្លឹក និង (៣X៤) ០២សន្លឹក

- បង្កាន់ដៃបង់សិទ្ធិប្រឡងតម្លៃ ២០ដុល្លារ។

Duration of Program

ការបណ្ដុះបណ្ដាលថ្នាក់បរិញ្ញាបត្រជាន់ខ្ពស់ប្រវត្តិវិទ្យាក្នុងមួយជំនាន់ៗ មាន​​​រយៈពេល​​​ពីរឆ្នាំ។