សាកលវិទ្យាល័យភូមិន្ទភ្នំពេញសូមជូនដំណឹងដល់និស្សិតឆ្នាំទី៣ ទាំងអស់´ឱ្យបានជ្រាបថា ដើម្បីជួយសម្រួលការ​សិក្សា Mitsubishi UFJ Foundation នឹងផ្តល់អាហារូបករណ៍ថ្មីចំនួន ៦កន្លែង ដល់និស្សិតដែលកំពុងសិក្សានៅសាកលវិទ្យាល័យ​ភូមិន្ទភ្នំពេញ (ស.ភ.ភ.ព.) ក្នុងឆ្នាំសិក្សា​២០២៥-២០២៦។

លក្ខខណ្ឌនៃការជ្រើសរើស៖

បេក្ខភាពនិស្សិតគប្បីជា៖

• និស្សិតដែលកំពុងសិក្សាឆ្នាំទី៣ នៅគ្រប់មហាវិទ្យាល័យ និងវិទ្យាស្ថានរបស់ ស.ភ.ភ.ព. ​ក្នុងឆ្នាំសិក្សា​២០២៥-២០២៦

• និស្សិតដែលមានពិន្ទុសិក្សាល្អ (CGPA: ៣.០០ ឡើងទៅ)

• និស្សិតដែលមានសុខភាពផ្លូវចិត្ត ផ្លូវកាយ អត្តចរិត និងបុគ្គលិកលក្ខណៈល្អ 

• និស្សិតដែលមានចំណេះដឹងពីប្រទេសជប៉ុន និងមានបំណងចង់បន្តការសិក្សានៅប្រទេសជប៉ុនបន្ទាប់ពីចប់ថ្នាក់បរិញ្ញាបត្រ

• និស្សិតដែលពុំធ្លាប់ទទួលបានអាហារូបករណ៍ពីស្ថាប័នណាមួយ លើកលែងតែអាហារូបករណ៍របស់ក្រសួងអប់រំ យុវជន និងកីឡា

អត្ថប្រយោជន៍ដែលនឹងទទួលបាន៖       

និស្សិតដែលជាប់ជាស្ថាពរ​នឹងទទួលបាននូវទឹកប្រាក់ឧបត្ថម្ភពីស្ថាប័នម្ចាស់ជំនួយ ​ចំនួន ១,២០០ ដុល្លារអាមេរិក សម្រាប់មួយឆ្នាំសិក្សា។

និស្សិតត្រូវភ្ជាប់មកជាមួយ៖

• ជីវប្រវត្តិសង្ខេបនិស្សិត (Resumé)​​​​​​​

• ព្រឹត្តិបត្រពិន្ទុដែលមានបញ្ជាក់ពិន្ទុរាល់ឆមាស (ច្បាប់ដើម)

• វិញ្ញាបនបត្របញ្ជាក់ការសិក្សានិស្សិត (ច្បាប់ដើម)

• សំណេរពណ៌នា អំពី៖ ខ្លួនឯង គោលដៅសិក្សា ការងារ និងគម្រោងដែលនិស្សិតប្រាថ្នានាពេលអនាគតជាភាសាអង់គ្លេសដែលមានប្រវែងមិនតិចជាង ៤០០ពាក្យ

របៀបដាក់ពាក្យ និងកាលបរិច្ឆេទទទួលពាក្យ៖

ការិយាល័យទំនាក់ទំនងអន្តរជាតិ ស.ភ.ភ.ព. តម្រូវឱ្យនិស្សិតភ្ជាប់មកជាមួយនូវសំណៅឯកសារដែលបានបញ្ជាក់ខាងលើ មក​ការិយាល័យនៅបន្ទប់២១៩A ជាន់ទី២ អគារA នៅរៀងរាល់ម៉ោងធ្វើការចាប់ពីថ្ងៃជូនដំណឹងនេះរហូតដល់ ថ្ងៃសុក្រទី២៩ ខែឧសភា ឆ្នាំ២០២៦ ត្រឹមម៉ោង១៦:៤៥នាទី។ 

សម្រាប់សំណួរនិងព័ត៌មានផ្សេងៗ និស្សិតអាចទាក់ទងមកតាមរយៈតេឡេក្រាមការិយាល័យ https://t.me/iro_rupp