Programme Story
1. សាវតារបស់កម្មវិធី
2. សេចក្តីអធិប្បាយរបស់កម្មវិធី
កម្មវិធីបរិញ្ញាបត្រអក្សរសាស្រ្តខ្មែរបង្រៀននិស្សិតឱ្យចេះវិភាគ ពន្យល់ និងប្រៀបធៀបនូវរាល់ទិដ្ឋភាពនៃភាសានិងអក្សរសាស្រ្តខ្មែរ។ និស្សិតនឹងទទួលបានចំណេះដឹង ជំនាញពីភាសានិងអក្សរសាស្រ្តខ្មែរដែលបង្កើតមូលដ្ឋានគ្រឹះនៃវប្បធម៌និងអត្តសញ្ញាណខ្មែរ។ នៅពេលដែលប្រទេសកម្ពុជាកំពុងតែបង្កើននូវការចូលរួមចែករំលែកការសិក្សាពីគ្នាទៅវិញទៅមកជាមួយបរទេស គឹមានសារៈសំខាន់ណាស់សម្រាប់ប្រជាជនកម្ពុជាក្នុងការយល់ដឹងពីវប្បធម៌ខ្លួនឯងនិងប្រើប្រាស់វាជាចំណុចចាប់ផ្ដើមសម្រាប់ការកសាងទំនាក់ទំនងជាមួយប្រទេសដទៃទៀតក៏ដូចជាការពង្រីកចំណេះដឹងនិងការយល់ដឹងរបស់យើងផងដែរ។
1. សាវតារបស់កម្មវិធី
ដេប៉ាតឺម៉ង់អក្សរសាស្រ្តខ្មែរជាផ្នែកមួយនៃមហាវិទ្យាល័យសង្គមសាស្រ្ត-មនុស្សសាស្រ្តនៃសាកលវិទ្យាល័យភូមិន្ទភ្នំពេញ។ ការសិក្សាក្នុងដេប៉ាតឺម៉ង់អក្សរសាស្រ្តខ្មែរបានផ្ដល់នូវចំណេះដឹងជ្រៅជ្រះទៅលើសមត្ថភាពប្រើប្រាស់ភាសាខ្មែរ អក្សរសិល្ប៍ វប្បធម៌ និងអរិយធម៌ដើម្បីរួមចំណែកការពារនិងកសាងឡើងវិញនូវអត្តសញ្ញាណជាតិ។ ថ្នាក់បរិញ្ញាបត្រអក្សរសាស្រ្តខ្មែរត្រូវបានបង្កើតឡើងវិញនៅថ្ងៃទី៣ ខែកុម្ភៈ ឆ្នាំ១៩៨៨។ ក្នុងអំឡុងពេល៤ឆ្នាំដែលនិស្សិតសិក្សា និស្សិតបានអភិវឌ្ឍនូវជំនាញជាច្រើនសម្រាប់ការសិក្សាស្រាវជ្រាវផ្នែកសង្គម ត្រៀមលក្ខណៈពួកគេជាមួយនឹងការងារជាច្រើនប្រភេទដូចជាគ្រូបង្រៀន អ្នកកាសែត មន្ត្រីរាជការនៅតាមស្ថាប័នរដ្ឋក៏ដូចអង្គការក្រៅរដ្ឋាភិបាលនានា។
VISION
3. ចក្ខុវិស័យរបស់កម្មវិធី:
ដេប៉ាតឹម៉ង់អក្សរសាស្រ្តខ្មែរមានចក្ខុវិស័យក្លាយជាកម្មវិធីសិក្សាអក្សរសាស្ត្រនិងវប្បធម៌ជាតិឈានមុខគេនៅកម្ពុជាដើម្បីលើកកម្ពស់ការអប់រំប្រកបដោយក្រមសីលធម៌និងរួមចំណែកអភិរក្សនិងអភិវឌ្ឍអត្តសញ្ញាណជាតិ តាមរយៈការរៀន បង្រៀន និងស្រាវជ្រាវដោយផ្សារភ្ជាប់ជាមួយសហគមន៍ក្នុងនាមជាពលរដ្ឋសកម្មប្រកបដោយទំនួលខុសត្រូវខ្ពស់។
MISSION
4. បេសកកម្មរបស់កម្មវិធី:
ដេប៉ាតឺម៉ង់អក្សរសាស្រ្តខ្មែរមានបេសកកម្មបេសកកម្មបណ្តុះបណ្តាលមូលធនមនុស្សប្រកបដោយសមត្ថភាពដែលប្រកាន់ខ្ជាប់ក្រមសីលធម៌វិជ្ជាជីវៈដើម្បីលើកតម្កើងការប្រើបាស់អក្សរសាស្ត្រខ្មែរឱ្យបានត្រឹមត្រូវនិងបញ្ជ្រាបចូលក្នុងប្រព័ន្ធឌីជីថល, បណ្តុះស្មារតីថែរក្សាភាសា អក្សរសាស្រ្ត និងវប្បធម៌ជាតិ ព្រមទាំងចូលរួមអភិវឌ្ឍសហគមន៍ និងអភិវឌ្ឍសមត្ថភាពស្រាវជ្រាវ ច្នៃប្រឌិត វិភាគភាសា អក្សរសាស្ត្រ និងវប្បធម៌ជាតិប្រកបដោយលក្ខណៈវិទ្យាសាស្រ្ត។