News

សេចក្ដីជូនដំណឹង ស្ដីពី ការជ្រើសរើសនិស្សិតចូលរួមវគ្គបណ្ដុះបណ្ដាល Women in Digital and Entrepreneurship (WiDE)

# #RUPP # Training # IROffice # Digital # Entrepreneurship # SMWU # 2026

International Relations Office

May 07, 2026

សេចក្ដីជូនដំណឹង ស្ដីពី ការជ្រើសរើសនិស្សិតចូលរួមវគ្គបណ្ដុះបណ្ដាល Women in Digital and Entrepreneurship (WiDE)

សាកលវិទ្យាល័យភូមិន្ទភ្នំពេញ មានសេចក្ដីសោមនស្សរីករាយជូនដំណឹងដល់និស្សិតនារីគ្រប់មហាវិទ្យាល័យ និងវិទ្យាស្ថាន ទាំងអស់ឱ្យបានជ្រាបថា សាកលវិទ្យាល័យភូមិន្ទភ្នំពេញសហការជាមួយនិងសាកលវិទ្យាល័យ Sookmyung Women’s University (SMWU) នៃសាធារណរដ្ឋកូរ៉េ នឹងរៀបចំវគ្គបណ្ដុះបណ្ដាល WiDE ដែលនឹងប្រព្រឹត្តទៅចាប់ពីថ្ងៃទី១៥ ខែមិថុនា ដល់ថ្ងៃទី១១ ខែកក្កដា ឆ្នាំ២០២៦ តាមរយៈការសិក្សាអនឡាញ និងការសិក្សាផ្ទាល់ក្នុងថ្នាក់រៀន នៅសាកលវិទ្យាល័យភូមិន្ទភ្នំពេញ។

វគ្គសិក្សាអនឡាញ៖ ថ្ងៃទី១៥ ខែមិថុនា ដល់ថ្ងៃទី៣ ខែកក្កដា ឆ្នាំ២០២៦
វគ្គសិក្សាដោយផ្ទាល់៖ ថ្ងៃទី៦ ដល់១១ ខែកក្កដា ឆ្នាំ២០២៦

អត្ថប្រយោជន៍កម្មវិធី៖

ទទួលបានចំណេះដឹងបន្ថែមលើជំនាញភាពជាអ្នកដឹកនាំ សហគ្រិនភាព និងបច្ចេកវិទ្យាឌីជីថល
បង្កើនភាពស្និទ្ធស្នាលជាមួយសាស្ត្រាចារ្យរបស់ SMWU និងអ្នកចូលរួមដទៃ បង្កើនភាពក្លាហាន និងសមត្ថភាពភាសាបរទេស
ទទួលបានវត្ថុអនុស្សាវរីយ៍ និងវិញ្ញាបនបត្របញ្ជាក់ពីការចូលរួម ពី SMWU

លក្ខខណ្ឌនៃការចូលរួម៖

ជានិស្សិតនារីដែលកំពុងសិក្សាឆ្នាំទី២ ដល់ទី៤ គ្រប់មហាវិទ្យាល័យ និងវិទ្យាស្ថាន នៃសាកលវិទ្យាល័យភូមិន្ទភ្នំពេញ
មានចំណេះដឹងភាសាអង់គ្លេសដែលអាចយកជាការបាន ទាំងការនិយាយនិងសំណេរ
មានចំណាប់អារម្មណ៍ទទួលយក និងចែករំលែកចំណេះដឹង ដល់និស្សិតដែលចូលរួមផ្សេងទៀត
មានកុំព្យូទ័រយួរដៃផ្ទាល់ខ្លួន ដែលមានកម្មវិធី Google Classroom និង Zoomសម្រាប់ប្រើប្រាស់ដើម្បីសិក្សា
មានទំនួលខុសត្រូវខ្ពស់ ដោយតម្រូវឱ្យនិស្សិតចូលរួមសិក្សាលើកិច្ចការតាមកាលវិភាគដែលបានកំណត់
មានការគ្របដណ្ដប់ដោយ Wi-Fi គ្រប់គ្រាន់នៅពេលសិក្សាអនឡាញ និងពេលពិភាក្សាពេលសិក្សាដោយផ្ទាល់

* និស្សិតដែលចូលរួមថ្នាក់បច្ចេកវិទ្យាឌីជីថល គួរមានចំណាប់អារម្មណ៍ និងចង់សិក្សាលើ Python Programming Language

របៀបចូលរួមកម្មវិធី និងកាលបរិច្ឆេទឈប់ទទួលពាក្យ៖

និស្សិតដែលមានចំណាប់អារម្មណ៍ចូលរួម សូមភ្ជាប់មកជាមួយនូវឯកសារខាងក្រោម មកការិយាល័យទំនាក់ទំនងអន្តរជាតិ (បន្ទប់២១៩A) និងចុះឈ្មោះតាមរយៈ QR Code និងតំណដែលនឹងផ្ដល់ជូន ចាប់ពីថ្ងៃជូនដំណឹងរហូតដល់ថ្ងៃចន្ទ ទី១ ខែមិថុនា ឆ្នាំ២០២៦។

CV ឬ Resume និស្សិត (មិនមែន CV ដាក់ការងារ)
សេចក្ដីចម្លងព្រឹត្តិបត្រពិន្ទុ (ជាភាសាអង់គ្លេស)
លិខិតបញ្ជាក់ការសិក្សានិស្សិត (ជាភាសាអង់គ្លេស)

ព័ត៌មានផ្សេងៗ សូមទាក់ទងតេឡេក្រាមការិយាល័យ https://t.me/iro_rupp.